Monday, April 29, 2013

自制青醬短粗直通粉配台灣腸 Tortiglioni with Taiwanese Sausage in homemade Pesto Sauce (附食譜)

平時西餐多數食意粉、天使麵、寬條麵、長通粉,原來還有些平時比較少見的意粉,也可以很惹人喜愛。
有一次在愉景灣喝下午茶時,逛一逛商店,發現一種叫Tortiglioni的意粉,比長通粉要長一點,圓圓的,好可愛。
雪櫃還有一包台灣香腸,靈機一觸,昨晚把它配上即製的青醬,來一個Fusion菜,意大利Tortiglioni x 台灣腸,想不到,味道很配,很好吃!又一次亂配的晚餐!

材料:(2人份量)
台灣腸.................1包 (4條)
Tortiglioni...........1/2包
自制青醬...........適量

1) 首先煲滾水,落鹽及Olive oil, 放入Tortiglioni,
這隻牌子要煮11分鐘,我預9分鐘就把它盛起,過冷河待用

2) 用LC Square Grill 煎台灣腸,這期Square Grill曝光率很高啊,煎什麼食物也是漂漂亮亮的,哈哈。

嘩~~~我真的超超超喜歡台灣腸~這包在九龍城的台灣入口店買的~超肥美!!!

煎得香香的,超正!!

3) 把腸切片

4) 放入鍋炒香台灣腸

5) 加入Tortiglioni

6) 最後落Pesto sauce,喜歡芝士的,可多落一些芝士粉炒勻


自制青醬短粗直通粉配台灣腸就完成喇~~!
放上碟,賣相味道俱備!


這個Fusion配撘很好啊~~羅勒葉的香,和台灣腸很配, 自制青醬確實好味得多!!


3 comments:

  1. 點解你用不锈鋼鑊炒唔黏底既?
    [版主回覆05/22/2013 08:29:46]我用孖人牌中式鑊,初時都好痴底架,但秘訣係要燒紅先鑊 (出煙個隻),先落油,再把油平均響鑊的表面,夠熱炒野就唔會痴底

    ReplyDelete
  2. 我都係用孖人牌中式鑊, 同平抵鑊架, 每次都覺得好難炒, 多謝你教我呀, 等我學你既方法去處理先。
    [版主回覆05/22/2013 16:03:26]哈哈,唔洗客氣喇,我都係孖人牌sales教我既!不過要等隻穫熱要俾d耐性,有時都要等5-10 mins,見到佢起煙就落得油架喇,試多幾次會唔痴~試下丫

    ReplyDelete
  3. 乜唔係凍鑊落油, 熱鑊落肉咩?

    ReplyDelete